Il cuors fundamantel da musica es la fundamainta importanta per ün svilup musical cumplet da l’iffaunt. El prepara l’instrucziun instrumentela. Cun differents elemaints musicals, cun chanter, cun suner ils instrumaints dad Orff, cun muvimaints as schmuanter, fer musica, discuorrer , cun tadler activamaing e reprodüer vicendaivelmaing vain l’iffaunt introdüt illa basa dal creer e percepir musica.
Il cuors fundamantel düra duos ans. El cumainza i’l ultim an da scoulina e düra fin la fin dal prüm an da scoula ubain i’l prüm an fin al seguond an da scoula e düra fin la fin da la 1a classa ubain da la 1a classa fin la 2a classa. Minch’eivna ho lö üna lecziun. In tschertas vschinaunchas es il cuors obligatoric, in otras a basa facultativa. Per pudair der ün’instrucziun satisfacenta vess la gruppa d’avair almain 6 iffaunts. Per ulteriuras infurmaziuns staun gugent a dispusiziun las magistras d’instrucziun.