Documainta
Documainta importanta sur da la scoula
Downloads
Infuormaziuns da la scoula
Reglamaints
Infuormaziuns generelas
Occurenzas 2021/2022
Da fer musica activamaing promouva l’abilted spiertela, corporela ed a listess mumaint eir emoziunela in sen d’ün’educaziun cumplessiva. Cun que cumplettescha ella in möd ideel scoula e sport.
Musica ho üna grand’importanza scu elemaint da profundamaint e fo sen scu occupaziun dal temp liber. Ella güda ad activer nouvas forzas, a purter inavaunt nossa granda ierta musicala, promouva la furmaziun generela ed es üna investiziun preciusa I’l avegnir.
Scolaziun musicala muossa a l’umaun a tadler musica consciaintamaing, schlargia sieu potenziel creativ ed al güda a s’exprimer in tuot las situaziuns, in temps da plaschair ed in temps da tristezza.
Al mumaint instruescha la scoula da musica d′Engiadin’Ota ad arduond 600 scolaras e scolars. Ella vain purteda dal chantun griuschun, da las 11 vschinaunchas d’Engiadin’Ota, da singulas corporaziuns da baselgia d’Engiadin’Ota scu eir da commembers privats e fauturas, fautuors.
Scu societari da la corporaziun da scoulas da chaunt e da muscia Grischun e da la corporaziun da las scoulas da musica svizras stu ella praster que cha quistas organisaziuns pretendan.
L’instrucziun ho lö tenor bsögn illa granda part da las vschinaunchas d’Engiadin’Ota, impustüt perô a Samedan e San Murezzan.
a SMEO metta pais cha instruescha glieud scoleda in pedagogia da musica. Al mumaint instrueschan 24 persunas cun stüdis absolvos in conservatoris, scoulas otas da musica, academias ed oters instituts correspondents.
Als 23 meg 1968 es gnieu fundo il “collegium da musica d’Engiadin’Ota” grazcha a l’iniziativa dal mneder dal centrum da cultura Laudinella e da la “Engadiner Kantorei”, dr Hannes Reimann. Oters commembers da fundaziun sun stos ils cusgliers cumünels da San Murezzan Albert Scheuing, il chaschier cumünel da San Murezzan Louis Haefliger e’l ravarenda dr. Wolfgang Hammer. Il böt da quista societed es sto da promouver la vita musicala in Engiadin’Ota. Per gnir a quist böt as ho fundo “la scoula da musica d’Engiadin’Ota” chi d’eira responsabla per la promoziun activa e que as ho organiso concerts illa regiun.
Il prüm president da la scoula da musica d’Engiadin’Ota es sto dr Hannes Reimann. Prüm mneder da la scoula es sto il violinist glarunais dr. Rudolf Aschmann. Per cumanzer as faiva quint cun forsa 40 annunzchas. Ma la surpraisa es steda granda cha zieva il prüm semester d’eira que già 256 scolaras e scolars chi visitaivan l’instrucziun.
La cifra da scolaras e scolars variaivan dad an in an, ma in generel as pudaiva constater ün trend vers ün augmaint. Per part d’eira la radschun per quist augmaint eir il fat cha in tschertas scoulas da vschinauncha es gn ieu declaro obligatoric il cuors fundamentel da musica. In favrer dal 2002 es gnida integreda illa SMEO eir la scoula da musica Morell. Uscheja as ho pudieu der üna cuntinuited da l’instrucziun ad incirca 160 scolaras e scolars ed a las 5 persunas chi instruivan.
Hoz instruescha la SMEO traunter 650 e 680 scolaras e scolars mincha semester. Al cumanzamaint gniva la SMEO purteda finanzielmaing da commembers singuls, collectivs e da patrunedi pü tard dal chantun e da singulas vschinaunchas. Quistas pajaivan ün tschert import l’an e garantivan uschè la gestiun. Dal 1968 vaiva que 137 commembers. Hoz ho la SMEO 188 commembers passivs e 373 commembers activs. Cur cha’d es gnieu invigur la ledscha da promoziun da cultura dal chantun grischun l’an 1998 es gnieu reglo in möd cler la finanziaziun da las scoulas da muscia. Culla decisiun da votaziun dals 30 november 2008 es gnieu declaro la scoula da musica scu lezcha dal circul d’Engiadin’Ota. Illa cunvegna da prestaziun e l’incumbenza da prestaziun dal circul v ain efinieu cleramaing che mezs finanziels cha’l circul metta a disposiziun e che cha la SMEO ho a praster scu recumpensa. Dr Hannes Reimann es sto president fin l’an 1970. Scu successur es gnieu tschernieu Alber Scheuing. Da l’an 1993 fin 2017 es sto Jann Rehm president. Daspö l’an 2017 ho Reto Caflisch quist uffizi.
La direcziun da scoula es steda in mauns dal dr Rudolf Aschmann fin l’an 1978. Dal 1978 fin 1987 vaiva surpiglio Christian Flückiger sieu post, dal 1987 fin 2002 Hansjörg Stalder. 2002 as ho spartieu la direcziun da scoula in üna secziun d’administraziun chi vain mneda da Mengia Demarmels ed in üna secziun pedagogica musicala mneda dad Anton Ludwig Wilhalm.
Rapports annuels / bilauntschas
Infuormaziuns per scolaras/scolars e genituors
Infuormaziuns e progets per scolaras/scolars
Orchestra da flötas a traviers
Orchestra d’instrumaints a corda