Da suner in ün ensemble cumplettescha l’instrucziun instrumentela singula, perche cha l’i!aunt cumainza sia via musicala pü u main be sulet (tuot tenor scha in sia famiglia es oters chi sunan). Sia incletta da la musica dependa pustüt da l’instrucziun e dal repertuar da sieu instrumaint. Cun suner in ün ensemble as imprenda a surpasser quels cunfins strets. Impü crescha il plaschair e la vöglia da s’exprimer insembel cun otra glieud cun listess plaschair. Gruppaziuns pussiblas sun trio, quartet, ensembles masdos, ma eir ensembles pü grands scu orchester da chambra, cor ed orchester. S’inclegia cha cò tuochan tiers eir furmaziuns da rock e jazz fin tar la BigBand. Las seguaintas abilteds vegnan promovidas sunand in ün ensemble:
– da tadler ils oters per pudair reagir e suner insembel
– il sentimaint da ritmus e da tempo as tgnand sfurzedamaing vi dal text da notas
– dad augmanter la qualited dal tun da sieu instrumaint
– la comunicaziun traunter la gruppa s’occupand dals oters.